मुंबई उपनगरातील रोजगार मेळाव्यांत १ हजार ७२८ उमेदवारांची प्राथमिक तर ३७५ उमेदवारांची अंतिम निवड  

Thank you for reading this post, don't forget to subscribe!

• ७ हजार ६७० रिक्तपदांसाठी ३०५ उद्योजकांचा सहभाग; ३७ उमेदवारांना नियुक्तिपत्रांचे वाटप

मुंबई, दि. ३० : सेवा संकल्प अभियानातंर्गत पंडित दीनदयाळ उपाध्याय रोजगार महाकुंभांतर्गत मुंबई उपनगर जिल्ह्यात आयोजित २९ रोजगार मेळाव्यांमध्ये ४ हजार १७६ उमेदवार सहभागी झाले. त्यापैकी १ हजार ७२८ उमेदवारांची प्राथमिक, तर ३७५ उमेदवारांची अंतिम निवड झाली. अंतिम निवड झालेल्यांपैकी ३७ उमेदवारांना नियुक्तिपत्रांचे वाटप करण्यात आले.निवड झालेल्या उमेदवारांचे जिल्हाधिकारी सौरभ कटियार यांनी अभिनंदन केले आहे.

या रोजगार मेळाव्यांमध्ये उत्पादन, अभियांत्रिकी, बँकिंग व वित्तीय सेवा, माहिती तंत्रज्ञान, सेवा तसेच वाहतूक व लॉजिस्टिक्स अशा विविध क्षेत्रांतील रोजगाराच्या संधी उपलब्ध करून देण्यात आल्या आहेत.

या मेळाव्यांमध्ये ३०५ उद्योजक सहभागी झाले होते. त्यांनी एकूण ७ हजार ६७० रिक्तपदे उपलब्ध करून दिली. सहभागी उमेदवारांमध्ये २ हजार ९१ महिला आणि २ हजार ८५ पुरुषांचा समावेश होता.प्राथमिक निवड झालेल्यांमध्ये ८४६ महिला आणि ८८२ पुरुष, तर अंतिम निवड झालेल्यांमध्ये १६९ महिला आणि २०६ पुरुषांचा समावेश आहे. नियुक्तिपत्र मिळालेल्यांमध्ये १३ महिला आणि २४ पुरुष आहेत सर्व नियुक्त अशी माहिती जिल्हा सहायक आयुक्त, कौशल्य विकास, मुंबई उपनगर शैलश भगत यांनी दिली आहे.

000

संध्या गरवारे/विसंअ

 

Source: Mahasamvad — Maharashtra Government