नाशिक, दि. २४ (जिमाका) : माहिती व जनसंपर्क महासंचालनालयाच्या जिल्हा माहिती कार्यालय, नाशिक यांच्यातर्फे शासनाच्या विविध लोककल्याणकारी योजना आणि उपक्रमांची माहिती नागरिकांपर्यंत पोहोचविण्यासाठी ‘लोकसंवाद-२०२६’ अभियान राबविण्यात येत आहे. या अभियानांतर्गत आडगाव येथील विविध गणेश मंडळांच्या पदाधिकारी व कार्यकर्त्यांशी संवाद साधून शासनाच्या विविध योजनांची माहिती देण्यात आली.
आडगाव येथील स्वराज्य मित्र मंडळाला भेट देऊन मंडळाचे पदाधिकारी व कार्यकर्त्यांशी संवाद साधण्यात आला. यावेळी मंडळाचे अध्यक्ष नितीन लबडे, उपाध्यक्ष संदीप शिंदे यांच्यासह विकी मते, गणेश पोकळे, सुधाकर राजोळे, ऋषिकेश पोकळे, सुयश मोरे, आयुष देशमुख आदी उपस्थित होते. तसेच आडगाव येथील शिवरत्न मंडळ, शिंदे गल्ली येथेही लोकसंवाद अभियानांतर्गत जनजागृती करण्यात आली. यावेळी मंडळाचे अध्यक्ष अभिजीत हांडे, उपाध्यक्ष रवींद्र शिंदे यांच्यासह मानव भुतकर, वैभव हांडे, पवन हाळदे, आयुष शिंदे, विवेक उगले आदी पदाधिकारी व कार्यकर्ते उपस्थित होते.
लोकसंवाद अभियानाच्या माध्यमातून शासनाच्या विविध विभागांच्या योजना, नागरिकांसाठी उपलब्ध सेवा, पात्रता, आवश्यक कागदपत्रे तसेच योजनांचा लाभ घेण्यासाठीची कार्यपद्धती याबाबत माहिती देण्यात आली. शासकीय योजनांची माहिती अधिकाधिक नागरिकांपर्यंत पोहोचविण्यासाठी गणेश मंडळे, सामाजिक संस्था आणि नागरिकांनीही जनजागृतीमध्ये सक्रिय सहभाग घ्यावा, असे आवाहन करण्यात आले.
माहिती व जनसंपर्क महासंचालनालयाचे लोकसंवाद अभियान हे शासनाच्या योजना आणि नागरिक यांच्यातील संवाद अधिक प्रभावी करण्याच्या उद्देशाने राबविण्यात येत असून, आडगाव परिसरातील गणेश मंडळांनी या उपक्रमाला उत्स्फूर्त प्रतिसाद दिला. जिल्हा माहिती कार्यालयातील परेश पाटील, नवनाथ पालवे यांनी या उपक्रमाची सविस्तर माहिती दिली.
००००
Leave a Reply